10W—30

10W fortel kor tjuktflytande oljen er ved –18°C. Til høgare tal, til tjukkare olje.
Bur du på ein kald plass, bør du bruka 5W-olje vinterstid, motoren vil då få snøggare smỳrjing ved kaldstart.

30 fortel kor tjuktflytande oljen er ved 100°C.
Brukar motoren olje når du har på 30-olje, kann du prøva å skifta til 40-olje, som er tjukkare. Det kann ogso hjelpa å skifta til tjukkare olje um du fær blårøyk frå eksosen når du startar motoren.

Du brukar naturlegvis motorvarmar heile vinteren?

Lurium

• Skal du ha lurium i oljen?
— Kanskje, kanskje ikkje. Det kann fungera stikk mot sin hensikt, um luriumet og oljen ikkje høver saman.

Pro-Long og QMI kann vera verd å vurdera.

Kontroll

Ikkje stol for mykje på målaren inne i bilen (um han i det heile fungerer).

Bilen må vera parkert på flatt underlag, og motoren må vera kald. Dra uppor peilepinnen og turk av honum med eit papir. Set han i att og vent litt. Dra honum uppor att, og les av oljenivået. Det skal vera millom dei tvo målestreki. Er det for lite fyller du på litt, er det for mykje tappar du ut litt.
NB! Det er svært viktig at nivået ikkje er yver den yverste streken.

— Kor ofte?

Minimum kvar helg.
Du kann forøvreg aldri kontrollera nivået for ofte.

Oljeskift

Oljefilter til CX diesel.

• Botnpluggen løyser du enklast med ei stor wisegriptong.

1. Motoren må vera heit eller lunken.
2. Heis bilen upp i yverste stilling og set bukkar under dei fremre jekkfesti (og gjerne ogso under dei bakre um han hev det med å siga fort ned att).
3. Dra peilepinnen litt uppor og løys oljepåfyllingsloket.
4. Tapp ut oljen (pass på å ikkje brenna deg; bruk t.d. vinterfora arbeidshanskar).
5. Ta av det gamle oljefilteret (du må kanskje bruka oljefiltertong).
6. Fyll det nye oljefilteret med ny olje.
7. Vent ein times tid slik at motoren fær renna godt frå seg.
8. Set på ny pakning (koparskive) og skru fast botnpluggen.
9. Tøm oljen ut or det nye filteret (dersom det skal monterast opp-ned), stryk olje på pakningen, og skru det på til pakningen sovidt tek borti. Stram deretter ¾ umdreining.
10. Fyll på ny olje.
11. Vent 5 minuttar, og kontroller nivået.
12. Start motoren, og kontroller at du ikkje hev lekkasjar (botnpluggen, botnpanna, oljefilteret).
13. Ta vekk bukkane og set bilen i normalstilling.
14. Skriv ned kilometerstand og oljetype, og at oljefilteret er skifta.

— Kor ofte?

Olje minimum tvo gonger i året: seinhaustes og tidleg um våren, uavhengig av køyrelengde. Hev du veldig mykje småkøyring um vinteren, og du ikkje brukar motorvarmar, bør du ogso byta èin gong midt på vinteren.
Oljefilter bør bytast ein gong i året på bensinmotorar, og tvo gonger i året på dieselmotorar.