Vanleg vask                                                                                          

• Spyl bilen.
• Fyll opp tvo store bytter med passeleg heitt vatn og ha uppi litt bilshampo i den eine (bytta med vatn er til å skola av vaskehansken/kosten).
• Vask med vaskehanske eller kost (ikkje svamp).
• Ta ei halv sitron og gni over frontruta.
• Spyl godt.
• Turk vekk vassrestane med ein stor microfiberklut.                                           

Storvask                                                                                          

• Spyl bilen.
• Sprut på avfeitting og vent litt.
• Spyl godt.
• Spyl hjulhusi (bruk oppvaskkost forsiktig til å løysa fastgrodd grus og grums) og undersida av bilen (IKKJE bruk høgtrykksspylar).
• Fyll upp tvo store bytter med passeleg heitt vatn og ha uppi uppvaskmiddel i den eine.
• Vask grundig med vaskehanske eller kost (ikkje svamp).
• Ta ei halv sitron og gni over frontruta.
• Spyl godt.
• Vask inni døropningane.
• Turk vekk vassrestane med ein stor microfiberklut.
• Vent til alt er turt.
• Ha på silikon på alle gummi- og plastdetaljar (viktig at dette blir gjort fyrr poleringi).
• Poler lakken (ogso inni døropningane).
• Ha på lakkforseglar.

• Dersom du ikkje polerer med éin gong etter bruk av avfeitting og uppvaskmiddel, vil lakken kunna ta skade.

• Spyling av hjulhusi og under bilen er best etter ein lang køyretur i ausande regnevêr.

Motorvask                                                                                          

• Motoren må vera kald eller lunken, ikkje heit.
• Dekk dynamoen, luftinntaket til motoren og eventuell fordelar med plast.
• Spyl motoren (IKKJE høgtrykksspylar).
• Sprut på avfeitting og vent litt.
• Bruk div. kostar (uppvaskkost, radiatorkost, tannkost etc.) duppa i avfeittingsvæske og gå laus på alle krikar og krokar (VERNEBRILLER).
• Spyl godt (IKKJE høgtrykksspylar). Ikkje få vatn uppi hydraulikktanken og ikkje få for mykje vatn yvst på torpedoveggen.
• Turk vekk vassrestane med ein klut og vent til alt er turt.
• Ha silikon på alle plast- og gummidetaljar.
• Ha syrefritt feitt/kontaktspray på elektriske kontaktar.
• Poler lakkyverflatene.

NB! Hugs å fjerna plasten! (Dynamo, luftinntak etc.)

• Dersom du høyrer det kokar/syder/boblar etter du er ferdig med å spyla, kann det vera avdi det hev kome vatn inn i eit relé.
Lokaliser reléet, dra utor leidningane, og monter nytt (hugs Vaselin el.l. på kontaktane).

• Dersom du vel å bruka bilshampo, såpe el.l. må du IKKJE få det på eller i nærleiken av drivreimene. Dei vil byrja å slura nokot forferdeleg.

Inni

• Ta ut mattene og vask/støvsug deim.
• Støvsug inni bilen og i bagasjerommet.
• Vask rutene med ein godt oppvridd microfiberklut. Ver spesielt nøye med frontruta.
• Turk over interiøret med ein godt oppvridd klut (ikkje microfiber).