|
Løgen bil
For mangfoldige år sidan, den gongen eg køyrde serie 1 Pallas, hadde eg med ein haikar;
ei ung sørlandsgjente.
Då ho steig utor etter endt køyretur, vart ho ståande og kjika
forundra att og fram på CX'en, og so sagde ho:
—Før ein løgen bil!
|
|
|
Lang bil
For ein del år sidan fekk eg sjå nokre utanlandske turistar som stod og studerte CX'en.
Brått gjekk den eine burt til bakstøytfangaren, og so gjekk han framyver langsetter
bilen med lange stig. Skulde nok finna ut kor lang breaken var!
|
|
|
Spretten bakende
Dette var då eg henta noverande CX:
Det var inkje fjøring bak, og når eg slo av motoren seig han ned bak nokso fort.
Når eg starta att, spratt nerast bakenden i veret.
Då eg starta bilen att på ei ferje, kjeik eg i spegelen for å sjå korleîs bakenden
uppførde seg, og la ogso med det same merke til tvo ungdomar i bilen bak. Då CX'en spratt upp vart
fyrst båe tvo sitjande og gapa, og so vart det gapskratling og peiking og prating.
|
|
|
Humpete veg
Då eg fekk Pallasen for godt yver tjuge år sidan, budde eg i enden av ein forferdeleg humpete veg.
Husverten lurde felt på korleîs eg vann meg upp i ein bil som var so låg under.
—Jo, han heiser seg upp når han køyrer, sagde eg.
Då berre såg han løge på meg, og sa ikkje meir.
(Det gjorde ikkje eg helder;)
|
|
