Demontering                              

• Skru ut tvo skruar på undersida (ein på kvar side).
• Skru ut tvo skruar uppe i midten, og tvo uppe heilt ut på kantane.
• Ta av toppen.
• Ta av dei tvo metallbøylane.
• Kopla frå dei tri flatstikki og dei andre kontaktane.
• Bruk ein spegel og flatt skruejarn og yt spedometerkabelen (den lyseblå dingsen) heilt av den gulgrå enden som han sit innpå. Lirk litt på honom med ein finger slik at han ikkje hektar seg fast i kanten.
• Yt konsollen litt mot frontruta og lyft varsamt uppor.
• Skru av fire leidningar. (Her kann det vera lurt å kappa leidningane og setja på ein kontakt, slik at det blir enklare å demontera seinare.)

Bruk spegel og skruejarn til å vipp av spedometer- kabelen.

Montering                                                              

• Pass på at dei tvo gummiputene ligg der dei skal (slik at dei kjem under "føtene" på instrumentkonsollen).
• Vrid alle kontaktane mot frontruta.
• Skru på dei fire leidningane (eller laga ein kontakt: sjå under).
• Set konsollen forsiktigt uppi.
• Bruk spegel og flatt skruejarn og lirk spedometerkabelen inn på den gulgrå tappen, og vri og lirk til han sprett heilt innpå.
• Klem konsollen varsamt på plass slik at varsellampane kjem på rett plass.
• Kopla til dei tri flatstikki og dei andre kontaktane.
• Slå på tenningen og kontroller at alle ljos og funksjonar fungerer.
• Set på dei tvo metallbøylane.
• Legg i nokre små skumplastbitar, slik at ikkje nokot fær liggja og klirra.
• Skru på plass toppen.

Pass på å få leidningane på rett plass.

Montering av kontakt

For å gjera demontering og montering enklare, kann det vera lurt å setja på ein kontakt.

Set på ein kontakt på den svarte, raude og kvite leidningen. Set på rund han- og ho-kabelsko på den blå.