|
Bruk hjulmutternøkkel av den typen som kann dragast ut til dobbel lengde.
• Gjer det til vane, kvar gong du har av hjulene, å løysa på lufteniplane.
Stram dei forsiktigt til att, brems hardt, sjå etter um dei lek og set på hettene.
Stram annakvar bolt med klokka.
|
|
- Bilen må stå på eit heilt flatt underlag.
- Ha bilen i 1. gear og stram handbremsi godt.
- Ta av bakskjermane.
- Løys hjulboltane med skaftet på verktøyet uttrekt.
- Start bilen og set høgdereguleringen på yverste stilling.
Slå av motoren når han er heilt uppe.
- Set jekken under fremre jekkpunkt og jekk upp til båe hjulene er upp frå bakken.
Set ein bukk under bakre jekkpunkt.
- Ta av hjulene. Kontroller at alt er i orden (bremseklossar, rust etc.).
- Set på hjulene. (Reingjer hjulboltane ved å klemma deim millom ein twistdott og ein stålbørste og skru utover.)
Bend og lyft på hjulene for å sjekka at det ikkje er nokot feil på opphenget.
Snurr rundt bakhjuli for å kontrollera hjullageret.
- Ta vekk bukken og senk ned bilen.
- Stram hjulboltane med skaftet på verktøyet samanslege.
Stramm annakvar bolt med klokka til dei sit heilt fast.
- Set bilen i normal køyrestilling og kontroller lufttrykket i alle 4 hjulene, pluss reservehjuli.
(Kva lufttrykk du skal ha ser du på ein lapp på A-stolpen med opi førardør.
Lufttrykket til reservehjuli står på sida av dekket.)
- Set på bakskjermane. Smỳr skruane med grease og sprut inn olje der skruane er festa.
- Vil du vera heilt sikker, kann du etterstramma hjulboltane etter nokre mil.
HUGS Å STRAMMA HJULBOLTANE ETTER HJULSKIFT!
|
|
|
• Um du ikkje hev, so skaff deg ein garasjejekk. Det lettar arbeidet mykje.
VIKTIG:
Må berre brukast på hardt og plant underlag (t.d. betonggolv).
• Hev du ein god momentnøkkel, brukar du honum til å stramma hjulboltane med.
Kor hardt du skal stramma er vanskeleg å gje råd um, sjølv brukar eg 110 Nm
på lettmetallfelgar og 115 Nm på stålfelgar.
(Det er kanskje litt mykje, i servicemanualen står det 70 – 90 Nm.)
• Hjulboltane til stålfelgar og lettmetallfelgar er vanlegvis ulikt lange.
• Dersom dekki hev rotasjonsretning må du passa på å setja hjulene på rett side av bilen.
|
|
