Du må vera svært varsam når du demonterer dette plastspetakkelet, det er utruleg spinkelt.
   Dei tenkte vel som so då dei laga det, at:
   —Ja ja, CX2 skal vel berre produserast nokre få år, so då er det ikkje so nøye...

   Kontroller om dei fjørbelasta stiftane A glir lett inn og ut i hylsene, og om fjørene fær bevega seg fritt. Dersom brytaren hev vore varm/smelta kann hylsene dei sit i vera litt deformerte. Prøv i sofall forsiktig å bora deim upp. Undersøk om kontaktflatene B til stiftane hev smelta seg ned i plasten. Hev dei gjort det, må du prøva å få deim upp att med ein loddebolt (IKKJE enkelt!).
   Sjekk ogso at C glir lett.
   Reingjer og ha på vaselin.

• Skaff deg reservebrytar og ha honum liggjande i bilen. Viktig: Kontroller at han fungerer som han skal. Lag gjerne ogso ein «naudljosbrytar».

«Naudljosbrytar»


Lag desse leidningane for å få nærljos:

1. Tvo samankopla leidningar med flate kabelsko til å kortslutta 1, 2 og 3.
2. Ein leidning med flate kabelsko i båe endar til å kortslutta 4 og 6.

Dette er det du ser når du har fjerna brytaren.

• Blå = park 
• Grøn = nærljos 
• Raud = fjernljos

(5 og 6 blir kortslutta ved fjernljosblink)                                                                    

Tips

Lag leidningane, skriv ut denne sida, og stapp alt upp i ein liten plastpose som du legg i hanskerommet. Legg gjerne ogso oppi eit lite skruejarn.